فضيحة الإخوان المسلمين " الفضيحه الأولى " .

نهاد كتب:

كلامنا النهاردة عن الإخوان .... الجماعة المحظورة .... اللى قتلت النقراشى باشا سنة 1948 .... و اللى حاولت تقتل جمال عبد الناصر فى حادثة المنشية الشهيرة .... الجماعة اللى عندها 10 آلاف مقاتل جاهزين علشان تبعتهم لبنان .... الجماعة اللى رئيسها مهدى عاكف الإرهابى اللى كان مشارك فى التدبير لحادثة المنشية .... الجماعة اللى عاملة نفسها شهيدة الحرية .... اللى طول النهار تتكلم عن الديموقراطية .... اللى بتدعى أنها معارضة حقيقية هدفها مصالح الشعب المصرى ... اللى بتدعى أن أفكارها هى الحل لكل مشاكلنا .... لكن خلاص : كل شئ أنكشف و بان .... 3 فضايح للأخوان فى 3 أسابيع بس .... يعنى فضيحة كل أسبوع .... فضايح كتير ليهم قبل كدة مكتبتش عنها ، لكن لما يبقوا 3 فضايح فى فترة صغيرة زى دى ، يبقى ضرورى أكتب

الفضيحة الأولى : تخازلهم عن مساندة أساتذة الجامعات فى إضرابهم فى 23 مارس 2008
الموضوع و بكل بساطة أن أساتذة الجامعة زيهم زى غيرهم فى البلد دى عندهم مشاكل ياما ... و برضة زيهم زى غيرهم بيتكلموا و بينادوا فى وادى و النظام المصرى ولا هنا ولا هناك .... أتكلموا بالذوق كتير ، لكن مالقيوش غير ودن من طين و ودن من عجين ... حبوا يوصلوا صوتهم بطريقة قوية .... حبوا يقولوا " لأ " .... و زى ما هو متوقع النظام المصرى أبتدى يقاوم الأضراب من قبل أنعقادة .... ييجوا بقى الأخوان يقفوا فى أنهى جانب ؟؟؟؟ .... فى جانب الحكومة طبعا .... أيوة ، أمال أنت فاكر أية ؟ الأساتذة الأعضاء فى الجماعة المحظورة مايهمهش مشاكل أعضاء هيئة التدريس .... مايهمهاش أعضائها المرميين فى السجون و المعتقلات .... مايهمهاش أنها تقول رأيها فى أزمة موجودة على الساحة السياسية على الرغم من أنها بتدعى أنها أكبر تيار معارضة فى مصر .... كل اللى يهمها هو زواج المتعة اللى بينها و بين النظام .... كل اللى يهمها أنها تزايد على المعارضة فى بعض المواقف علشان تضغط على النظام و تقسم معاة التركة ... ألف مبروك عليهم خيانتهم للشعب و لأعضائهم المعتقلين

رياريت يا أخت نهاد لما نكتب موضوع ويكون له مرجع يكون من الأفضل ذكر المرجع وذلك للأمانه

أنا هقولها ماتقلقش